Hallo, Jonathan!/Capitulo 2

Contenetes - Capitulo 1 - Capitulo 2 - Capitulo 3

Ora, le homine es in le traino. Ille non es in Munich; ille es in un traino. Ille viagia. Ille pensa:

"Ora io viagia de Munich a Vienna. Es un bon viage. Io ama viages."

Ille pensa re Munich. Ille pensa:

“Ora io es in le traino, ma heri io esseva in Munich. E ora io scribe un jornal in le traino, ma heri io scribeva un jornal in Munich. E ora io pensa in le traino, ma heri io pensava in Munich. Heri io pensava re Munich in Munich, e ora io pensa re Vienna in le traino. Ora io es in le traino, non in Vienna. Ma io pensa e scribe re Vienna.”

An le homine ora pensa in Munich? No, ille non pensa in Munich ora. Ille pensa in le traino. Heri ille pensava in Munich. Ille dice:

“Salute, traino!”

Le homine es in le traino, e ille viagia a un citate. Le citate non es Munich; Munich esseva le citate de heri. Le citate es Vienna; Vienna es le citate de hodie.

Le homine pensa re Munich e Vienna. Ille pensa:

“Munich esseva le citate de heri, e Munich esseva bon. Ora es hodie, e io es in un traino; le traino es bon. An Vienna essera bon?”

Le homine pensa re Munich: Munich esseva le citate de heri. Ille pensa in le traino: ille es in le traino hodie. E ille pensa re Vienna: Vienna essera le citate de deman.

E ille pensa:

“Munich esseva grande. Le traino es grande. An Vienna essera grande?”

E ille pensa:

“In Munich io scribeva in un jornal. In le traino io scribe in un jornal. An in Vienna io scribera in un jornal? Si, deman in Vienna io scribera in un jornal. Io ama jornales.”

Le homine pensa multo (ille pensa multo = ille pensa e pensa e pensa), e ille scribe multo. Si, ille es un homine intelligente. Homines intelligente scribe multo, e pensa multo. Ille es Jonathan; Jonathan es un homine intelligente.

Io ama trainos! Ille scribe:

“Io es Jonathan. Io es in un traino. Heri io esseva in Munich; deman io essera in Vienna.”

Ille pensa, e scribe:

“Le traino... es bon, ma vetere. Ille non es nove; ille es vetere. An in Munich le trainos es vetere? Si, le trainos de Munich es vetere. Ma le trainos de Munich es bon, e io ama le trainos de Munich. Heri io amava le traino in Munich, e hodie io ama le traino ora, e deman io amara le traino in Vienna. Io ama trainos!”

Jonathan scribe:

"Munich es un bon citate e un vetere citate, e Vienna es un bon citate e un vetere citate. Munich e Vienna non es nove, ma es bon. Munich e Vienna es vetere, ma bon citates. Le citates non es nove, ma bon. Io ama citates!"

Jonathan pensa que le secunde die del viage es bon. Ille dice:

“Hodie esseva un bon secunde die de viage. Io ama viages!”